القاهرة- المشرق نيوز/

عبرت الإعلامية رضوى الشربيني عن غضبها إثر تفاعل الجماهير ورواد مواقع التواصل الاجتماعي بشكل واسع من قضية طلاق الفنانة غادة عبد الرازق.

وأضافت رضوى الشربيني: “الناس ما سبتش حاجة إلا ما قالتها عن الست دي علشان اتطلقت”.

وقالت رضوى الشربيني، في برنامج هي وبس: “الناس بتقول اتطلقت 9 مرات وناس تانية بيقولوا 12 مرة، ولكن أقول لهم انتم مالكم، إن شاء الله تكون 20 مرة طالما حلال ربنا، وانا بتكلم عندها دلوقتي كست مش فنانة مشهورة”.

وتابعت رضوى الشربيني: “الست احتاجت لرجل تسند عليه فتزوجت، محدش يعرف الست دي مرت بإيه في حياتها، والناس قالت انها بنفس رضوى الشربيني في الزواج وبرضه بقول أنتم مالكم”.

بتعمل حاجة حلال

وأضافت: “الفنانة غادة عبد الرازق مش صديقة ومقربة لي ولكني احبها واحترمها وبستجدعها جدا، لأن لها موقف من 13 سنة لا من زمان مش هنساه.. كل مرحلة في حياتها لها احتياج معين مع شخص ما، وهي بتعمل حاجة حلال ومش ضد شرع ربنا”.