عرض برنامج معكم منى الشاذلي حلقته مع ياسمين عبد العزيز والتي كشفت من خلاله الفنانة ياسكين تفاصيل جديدة عن مرضها ودخولها المستشفى وعلاقتها مع زوجها الممثل أحمد العوضي وفقدانها الذاكرة لفترة من الزمن أثناء علاجها.
قالت النجمة ياسمين عبد العزيز إن هناك فترة لا تتذكر فيها شيئا على الإطلاق، حيث كانت في شبه غيبوبة وفاقدة الوعى، متابعة: "كانوا بيقولولى فاكرة فأقول لهم لا مش فاكرة حاجة".
وأضافت ياسمين عبد العزيز، خلال برنامج معكم، المذاع على قناة سى بى سى: "دخلت لإجراء عملية أكياس الشيكولاتة وكان هناك عملية أخرى وفى شهرين أجريت 4 عمليات، أول عملية كانت هذه وبعدها جاء دكتور تجميل كى يغلق لى بطنى، فعملت عمليتين في يوم واحد، ودخلت وطلعت آلام رهيبة للغاية وأصوت".
وتابعت "في وقت وأنا فى العناية المركزة كنت خلاص قلت لهم أنا مش قادرة أكمل وفعلا أنا مكنتش قادرة أكمل".
وتابعت الفنانة ياسمين عبد العزيز: "وصلت لمرحلة من التعب قلت لهم شيلوا المضاد الحيوى وأنا عندى تسمم في الدم قلت لهم شيلوا كل حاجة، ومش هقدر آخد أدوية أنا تعبانة، وأنا هبقى مرتاحة إنى أروح لربنا هكون مرتاحة أكتر".
وجاءت أبرز تصريحات ياسمين خلال الحلقة كالتالى :
- أجريت عملية "أكياس الشيكولاتة" 5 مرات.. ومشوفتش يوم حلو بعد "اللى مالوش كبير"
- القولون اتخرم وقالولى هتموتى كمان ساعة
- فى العناية المركزة قولتلهم هبقى مرتاحة أروح لربنا
- صاحبتى دخلت قالت لى بكرة يوم عرفة وهدعيلك وأنا حاسة إنى مش هكون موجودة بكرة
- بعد يوم عرفة بقيت إنسان تانى وخرجت من العناية والروح ردت فيا وبقيت أتكلم
- قعدت شهر بعد العملية لا بضحك ولا بعيط وأول مرة أعيش إحساس الصدمة
- سافرت سويسرا وأمعائى بره جسمى ودرجة الحرارة ٣٩
- اتخضيت لما شوفت شكلى فى المراية
- الدكتور قال لى أنتى فيكى شىء لله
- جالى وقت قولت لازم أعدى المحنة وأكمل