لهذا السبب هاجمت عفاف شعيب جمهورها؟

القاهرة/  المشرق نيوز

شنت الفنانة المصري عفاف شعيب هجوما على فئة من جمهورها، وذلك خلال مداخلة هاتفية لها مع الإعلامي سيد علي ببرنامجه "حضرة المحترم".

و قالت شعيب للأشخاص الذين انتقدوها بسبب تصريحها الأخير عن ملابسها أنها تشتريها من ألمانيا: "أنا أكيد بزعل من الهجوم، ليه كده؟ راعوا شعور الناس وبلاش تشيلوا ذنوب، روحوا سبّحوا أو اقرأوا قرآن، اللي بيخاف ربنا ميؤذيش مشاعر الناس".

وأضافت شعيب" أنا بقول بما يرضي الله، أنا قلت بجيب لبسي كله من بره لما كنت بسافر بره، ليه ماتكلمتوش على اللي بيجيبوا فستان بمليون جنيه، مقاسات اللبس الألماني مظبوطة عليا وشكله شيك ومحترم".

و تابعت" اشتريت قبل كدة منتجات محلية لكن قعدت يومين وخلاص خربت، أنا بدعي الناس للإهتمام بالصناعة المصرية في الداخل، كالاهتمام بالملابس المصدّرة إلى الدول الأخرى، كالولايات المتحدة الأمريكية".

وتابعت" الألمان مقاساتهم مضبوطة، الملابس من أول لبسة بتكون مضبوطة عليا، وساعات ألفّ محلات مصر مبلاقيش الحاجة المناسبة واللي بيهاجموني ناس فاضية ومعندهاش ضمير وحسابهم في الآخرة عسير".

انتهى