القاهرة/ المشرق نيوز
أثار مقطع فيديو مصور، ضجة واسعة على مواقع التواصل الإجتماعي، لفتاة مصرية تدعى مها أسامة، بعدما عرضت خلاله نفسها للزواج.
وفي الفيديو، الذي نشرته عبر صفحتها" الفيسبوك" تظهر الشابة البالغة من العمر 32 عاماً قائلة: "مساء الخير يا جماعة عاملين إيه، الفيديو ده هيجيلي مشاكل كتيرة أوي أنا عارفه، بس أنا مش فارق معايا علشان مش بعمل حاجة غلط".
وأضافت مها "إحنا طبعًا شايفين الظروف اللي إحنا فيها البلد عاملة إزاي، ومفيش كافيهات ولا جيم ولا أي حاجة، والدولة شايفة إن هو ده ان تحافظ على صحتنا، أنا شايفه إن طبيعي دلوقتي كل بني آدم يعمل اللي هو شايفه صح".
وتابعت خلال الفيديو "أنا مش عارفة أبتدي إزاي، لازم يكون فيه مقدمة علشان الناس متستغربش، أنا اسمي مها أسامة، عندي 32 سنة، وعارضة نفسي للزواج على فيسبوك، وعارفة إن ده قرار مش سهل وهيجبلي مشاكل كتير، بس أنا قد القرار ده ودرسته كويس أوي، وأتحمل الحلو والوحش".
وعن مواصفات الرجل الذي ترغب الزواج منه قالت مها: "أنا مش عايزه حاجات كتير في الشخص اللي هرتبط بيه غير إنه يكون جد، وفعلا عايز يتجوز ومحترم".
واستطردت: "أنا كنت ممكن أعمل زي البنات اللي على التيك توك، اللي هي بتلبس لبس مش محترم وبتعمل حركات مش محترمة، بس أنا أعلى من كدة بكتير، علشان كدة أنا بعرض نفسي للزواج".
واختتمت مها حديثها بالقول "اللي شايف نفسه جد ومش هيهزر عليا أو يألش وياخد سكرين شوت يبعتها لصحابه ويشيرها يبعتلي، مش هتكلم عن نفسي كتير بس اللي عايز ومهتم يعرف تفاصيل عني هيعرف يوصل إزاي".
