"محمد" فقدت في لحظة واحدة ( أبي وأمي وأخي واختي وزوجتى وابنتي وابني وزوجة أخي وابني أخي وأولاد خالي وزوجة خالي وخالي واخت زوجتي)

محمد النجار.PNG
محمد النجار.PNG

محمد فقدت في لحظة ( أبي وأمي وأخي واختي وأختي الأخرة وـطفالها الثلاثة وزوجتي وابنتي وابني وزوجة أخي وابني أخي وأولاد خالي وزوجة خالي وخالي واخت زوجتي.. 4 سنوات على مجزرة آل النجار

خان يونس- المشرق نيوز

في صباح يوم سبت 26/7/2014الساعةثلاثة الا ربع فجرا······كان يوم غير عادي في حياتي كانت ليلة القدر في شهر رمضان المبارك كانت ليلة غير طبيعية كنت بتسحر خلصت اكل وكانو اهلي متجمعين بالصالة واخر نظرة كانت لبنتي التي تبلغ من العمر سنتين فجاة ما لقيت حالي والا تحت الركام والنار قدامي بتقلب قلب، شفت حفرة مفتوحة قدامي كان في حد فاتح كشاف جوال صرت انادي ي ابراهيم ي عيسى ي موسي صرت اخبس بالاسماء صرت احكي انا هين يارب الله اكبر الله اكبر سمعت صوت ابن عمي حكيت الحمدالله صارو ينادو وين انت اعمل اشي اضوي شي طلع صوت اكتر لنوصل للمكان صارو يقولو الله اكبر الله واكبر محمد عايش وهم بسحبو فيا جلدة ايدي انشالت ولزقت بالحيطة وانا كنت محروق من الدرجة الاخيرة وبعدين فقدت الوعي وبعدين لقيت حالي بالمشفي قلت لدكتور شو جابني هون شو صار اهلي وين طمني حكالي اهلك متصوبين وفش اشي اطمن حكيتلو خدني عليهم حكالي بس اخلص الف راسك وامسح محل الجرح بوديك عليهم وكلهم اكويسين فش غير انت حالتك حرجة قلت الحمدالله رب العالمين وداني الدكتور ع خالي كان محروق من الدرجة التانية قلت الحمدالله وداني ع اخوي الكبير حسين لقيتهم بغرزو فيه وبمسحو محل الجرح المهم صرت احمدالله حكيتلو لسا في اهلي حكالي اعطوك عمرهم الله يرحمهم صرت احكيلو وديني ع التلاجة اشوفهم حكالي بس اتخلص وكمان اشوي بوديك اتشوفهم خليت الدكتور يطلع من الغرفة ورحت وشوفتهم اشلاء والكل يسحب فيا ويهدي فيا وضربو بيتنا صاروخ F16برميل متفجر ودمرو ثلاثة طوابق واستشهدو 20شهيد من اهلي وربنا يرحمهم ويجعل مثواهم الجنة وربنا يتقبلهم شهداء .

19059983_140466869852861_2566903827948342073_n.jpg
 

واستمر الضرب واشدت اكتر واكتر واخدت خواتي التنتين ورحت ع المدارس ما كنا مرتاحين خالص واتعذبنا ع الاخر واحنا مشردين بالماوي وعند الناس قالو في هدنة لشهر كل واحد رجع ع بيتو واحنا غادرنا المدرسة ورحنا ع دار عمي قعدنا سنة وكل ما اروح ع محل بيتنا الي انقصف احس بشعور ماحد حاسس فيه شعور غريب ومؤلم للغاية وكنت امسك التراب واضلي اتذكر فيهم وامسك الاواعي واضلي اشم فيهم وكنت اتذكر الاشياء الحلوة والاشياء المرة وهاذي قصة حياتي واحنا بالحرب الله يتقبلهم شهداء لم استطيع ان اوصف هذه اللحظات لم استوعبها حتي ذاكرتي التي كانت تسجل تفاصيل هذا اليوم الصعب لم استطيع ان تسجل الا بعض اللقطات في هذا الصعب والمبكي